Kulturskolen har ein del instrument som elevane kan leige. Dette er i første rekke mindre instrument berekna på barn (i 1/4, 1/2 og 3/4 størrelse). Vi har følgjande instrumentstypar til utleige:

• Fiolin
• Bratsj
• Cello
• Kontrabass

Når det gjeld typiske korpsinstrument, som fløyte, klarinett, trompet, horn, baryton, trombone og tuba, er det i hovudsak skolekorpsa som stiller med instrument for dei elevane som får undervisning gjennom kulturskolen.

Sjå prisane for Ålesund kulturskole.

Kulturskolens lokale blir leigd ut til øvinger og liknande etter avtale. Faste leigetakarar må vike for kulturskulens eigne aktivitetar og arrangement. Dette blir i så fall varsla i god tid.

• Ballettskolen, Vågavegen 27
  Lokale: Dansestudioa kan leigast ut når dei ikkje er i bruk. Ta gjerne kontakt med rachel.mills@alesund.kommune.no minst tre veker før ønskt leigedato.
• Jugendteateret, Parkgata 18
  Lokale: Sal og kafé. Send e-post til annbjorg.skar@alesund.kommune.no for meir informasjon.
• Kulturskolen, Larsgårdsvegen 6
  Lokale: Storsal, lillesal og sydsal. Send e-post til kulturskolen@alesund.kommune.no for meir informasjon/spørsmål om leige.

Sjå pris for leige av skolelokale.

Ålesund strykekvartett tar på seg ulike speleoppdrag og prosjekt, som kvartett åleine og saman med andre, både i Ålesund, men også rundt omkring i fylket.

Kvartetten har til dømes vore med på oppsetningar saman med songarar og kor, orkestre og kammerensemble, spelt saman med artistar som Hilde Marie Kjersem, Solveig Slettahjell og Egil Olsen og hatt ein rekkje oppdrag ved alt frå seniorfestivalar til utstillingsopningar til store landskonferansar. 

Ålesund strykekvartett er "husorkester" og deltar på ei rekkje arrangement og konsertar under Ålesund kammermusikkfestival.

Sjå pris for leige av Ålesund strykekvartett.

Har du spørsmål eller ønsker å leige kvartetten, send e-post til strykekvartetten@alesund.kommune.no.

Ålesund kulturskole får mange førespurnader om elevar kan opptre med kunstnariske innslag på ulike arrangement, det vere seg dans, teater eller musikk. Kulturskolen sine elevar opptrer ofte på institusjonar og ved ulike kulturarrangement.

Elevane våre kan også bidra med kortare innslag (10 - 15 minutt) ved t.d. opning av konferansar for næringsliv eller andre. (I slike tilfelle tar vi eit lite honorar, ca. kr 2000, meir ved større ensemble/oppdrag. Av desse pengane får elevane gåvekort som takk for innsatsen.)

Ta kontakt på mail til kulturskolen@alesund.kommune.no.