Ålesund kommune

I år er det 40 år sidan Ålesund ballettskole vart etablert, og det skal sjølvsagt feirast! Det blir stor jubileumsforestilling på Parken kulturhus i november. Fleire tidlegare elevar er inviterte både til å koreografere og danse, og Anna Skorpen er ein av koreografane som bidrar i jubileumsforestillinga.

Fargespill Ålesund er tilbake, denne gong i samspel med Ålesund symfoniorkester og musikarane Bjørnar Myhr, Audun Skorgen, Miki Campins og Kenneth Ekornes. Musikalsk leiar er Runar Tafjord, som kan love eit rytmisk, variert og fargerikt konsertshow med sjangeroverskridande musikk, song og dans på Parken kulturhus 23. oktober.

Kulturskolen startar opp eit teatertilbod for elevar på 5. - 8. trinn i haust. «Gomerteateret» er primært og i første omgang eit tilbod for elevar frå Ørskog, Skodje og Haram. Vil du vere med? Søk plass via portalen vår: søk plass (vel Teater).